Sirr haqqında hədislər
922. Sirr saxlamaq
2960. İmam Əli (ə):«Kim öz sirrini gizlətsə, seçim qüdrəti onun öz əlində olar.» (Nəhcül-Bəlağə, hikmət 162)
2961. İmam Əli (ə):«Qələbə uzaqgörənliklə, uzaqgörənlik fikirləşməklə və fikirləşmək sirr saxlamaqla əldə olunur.» (Nəhcül-Bəlağə, hikmət 48)
2962. İmam Əli (ə):«Sənin sirrin sənin əsirindir. Əgər onu faş etsən, sən onun əsiri olacaqsan.» (Ğurərul-Hikəm, hədis 5630)
2963. İmam Əli (ə):«Aqil insanın sinəsi onun sirr sandığıdır.» (Nəhcül-Bəlağə, hikmət 6)
2964. İmam Əli (ə):«Sirr bilənlərin sayı hər nə qədər çox olarsa, onların faş olma ehtimalı bir o qədər artıq olar.» (Ğurərul-Hikəm, hədis 7197)
2965. İmam Əli (ə):«Nə qədər məhəbbətin varsa dostuna həsr et, amma inamının hamısını onun ayağı altına atma.» (Ğurərul-Hikəm, hədis 2463)
2966. İmam Əli (ə) :«İşlərin ən uğurlusu tam məxfiliklə baş verəndir.» (Ğurərul-Hikəm, hədis 3284)
2967. İmam Əli (ə):«Öz sirrini e‘timad etdiyin kəsdən başqa heç kimə vermə.» (Biharul-Ənvar, c.77,səh. 235 , hədis 3)
2968. İmam Əli (ə):«Sənin sirrinin bilinməməsinin nə qorxusu var!?» (Biharul-Ənvar, c.77,səh. 269 , hədis 1)
2969. İmam Əli (ə):«Öz sirrini gizlətməkdə aciz olan şəxsin, başqalarının sirrini saxlamağa qüdrəti çatmaz.» (Ğurərul-Hikəm, hədis 8941)
2970. İmam Sadiq (ə):«Sirrin faş olması süquta uğramaqdır.» (Tuhəful-Uqul,səh. 315)
2971. İmam Sadiq (ə):«Sənin sirrin, sənin qanının bir hissəsidir. Buna görə sənin damarlarından qeyrisində axmamalıdır.» (Biharul-Ənvar, c.75,səh. 71 , hədis 15)
2972. İmam Rza (ə):«Mömində bu üç xislət olmasa mömin olmaz. Bir xislət öz Rəbbindən, bir xislət peyğəmbərindən və bir xislət də öz vəlisindəndir. Rəbbinin xisləti sirr saxlamaqdır. Allah-taala buyurmuşdur: «Qeybi və sirri biləndir. Bəyəndiyi peyğəmbərdən başqa heç kəsi Öz sirrindən, qeybindən agah etməz.» (Biharul-Ənvar, c.75,səh. 68 , hədis 2)
2973. İmam Cavad (ə):«Bir şeyi möhkəmlənməmiş və sabit olmamış üzə çıxarmaq, onun korlanmasına gətirib çıxarar.» (Biharul-Ənvar, c.75,səh. 71 , hədis 13)
923. Sirri verməyə layiq olmayanlar
2974. İmam Əli (ə):«Sirr saxlamağa taqəti olmayan nadana sirr vermə.» (Ğurərul-Hikəm,hədis 10265)
2975. İmam Əli (ə):«Əmanətə sadiq olmayana sirr vermə.» (Ğurərul-Hikəm,hədis 10166)
2976. İmam Əli (ə):«Üç nəfərə sirr vermək olmaz: qadına, söz gəzdirənə və axmağa.» (Ğurərul-Hikəm,hədis 4662)
2977. İmam Sadiq (ə):«Dörd şey bərbad olar: ….və ağıldan heç bir bəhrəsi olmayana sirr vermək.» (Biharul-Ənvar, c.75,səh. 69 , hədis 4)
